October 17, 2021

சர்வதேச கிரிக்கெட் வாரியத்தின் சேர்மன் பதவியிலிருந்து ஷஷாங்க் மனோகர் ராஜினாமா!

போன 2016ம் ஆண்டு இந்திய கிரிக்கெட் வாரியத்தின் தலைவர் பதவியை ராஜினாமா செய்த ஷஷாங்க் மனோகர்,அதன் பின்னர் போட்டியின்றி சர்வதேச கிரிக்கெட் கவுன்சிலின் தலைவராக தேர்ந்தெடுக்கப்பட்டார்.இந்த பொறுப்பின் பதவிக்காலம் இரண்டு ஆண்டுகள். ஆனால் இன்று திடீரென்று ஷஷாங் மனோகர் தனது ராஜினாமா கடிதத்தை ஐ.சி.சியின் தலைமைச் செயல் அதிகாரியான டேவ் ரிச்சர்ட்சனுக்கு மின்னஞ்சல் மூலமாக அனுப்பி வைத்துள்ளார். ஆனால் இந்த ராஜினாமா கடித்ததில், பதவியை விட்டு விலகுவதற்காக தெளிவான காரணங்களை ஷஷாங் மனோகர் தெரிவிக்கவில்லை என கூறப்படுகிறது.
icc mar 17
”முதன் முறையாக போட்டியின்றி ஐ.சி.சி தலைவராக கடந்த ஆண்டு நான் தேர்ந்தெடுக்கப்பட்டேன். நேர்மையாகவும், ஒரு பக்க சார்பின்மையோடும் ஐ.சி.சி செயல்பட வேண்டும் என நான் முயற்சி செய்து வந்தேன்.ஆனால் ஒரு சில சொந்த காரணங்கள் காரணமாக நான் என்னுடைய ஐ.சி.சி தலைவர் பதவியை ராஜினாமா செய்கிறேன்.என்னுடைய ராஜினாமா கடிதத்தை உடனடியாக ஏற்றுக் கொண்டு, பணியிலிருந்து விடுவிக்குமாறு கேட்டுக் கொள்கிறேன்.” என ஷஷாங்க் மனோகர் தனது ராஜினாமா கடித்ததில் தெரிவித்துள்ளார்.