August 4, 2021

வேளாண் மற்றும் அது தொடர்பான பணிகளில் இந்தியாவில் புதிய பரிமாணம்!- மோடி பேச்சு!

பிரதமர் நரேந்திர மோடி மாதத்தின் கடைசி ஞாயிற்றுக்கிழமை காலை 11:00 மணிக்கு மன் கி பாத் (மனதின் குரல்) வானொலி நிகழ்ச்சி மூலம் மக்களிடம் உரையாற்றி வருகிறார். அந்த வகையில், இன்று இம்மாதத்தின் கடைசி ஞாயிற்றுக்கிழமை என்பதால், ‘மான் கி பாத் நிகழ்ச்சியில் பிரதமர் மோடி உரையாற்றினார்.

பிரதமர் உரையின் சுருக்கம்.

சில நாட்கள் முன்பாகத்தான் உலக பாரம்பரிய வாரம் கொண்டாடப்பட்டது. உலகப் பாரம்பரிய வாரம் என்பது கலாச்சார விரும்பிகளுக்கு, பழங்காலத்தினுள்ளே செல்லவும், வரலாற்றின் முக்கியமான கட்டங்களைப் பற்றித் தெரிந்து கொள்ளவும் ஒரு அற்புதமான சந்தர்ப்பத்தை அளிக்கிறது. கலாச்சாரம் என்பது நெருக்கடியில் பெரிதும் கைக்கொடுக்கிறது, நெருக்கடிகளைச் சமாளிப்பதில் பெரும்பங்காற்றுகிறது.

இந்தியாவின் கலாச்சாரம், வேதம் எப்போதும் முழு உலகை ஈர்க்கும் மையமாக இருந்து வருகிறது. சிலர் அவர்களைத் தேடி இந்தியா வந்து வாழ்நாள் முழுவதும் தங்கினர். சிலர் இந்தியாவின் கலாச்சார தூதர்களாக தங்கள் நாடுகளுக்குத் திரும்பினர். ‘விஸ்வநாத்’ என்றும் அழைக்கப்படும் ஜோனாஸ் மசெட்டியின் வேலை பற்றி எனக்குத் தெரிய வந்தது. ஜோனாஸ் பிரேசிலில் வேதாந்தா மற்றும் கீதா பற்றிய பாடங்களைக் கூறுகிறார். பெட்ரபோலிஸின் மலைப்பகுதியில் அமைந்துள்ள ‘விஸ்வவித்யா’ என்ற அமைப்பை அவர் நடத்தி வருகிறார். மெக்கானிக்கல் இன்ஜினியரிங் முடித்த பிறகு, ஜோனாஸ் தனது பங்கு சந்தை நிறுவனத்தில் பணிபுரிந்தார்.

பின்னர் அவர் இந்திய கலாச்சாரத்தை நோக்கி, குறிப்பாக வேதாந்தத்தை நோக்கி ஈர்க்கப்பட்டார். அவர் இந்தியாவில் வென்டாண்டா படித்தார் மற்றும் கோவையில் அர்ஷா வித்யா குருகுலத்தில் 4 ஆண்டுகள் கழித்தார். ஜோனாஸின் முயற்சிகளுக்கு நான் வாழ்த்துகிறேன். கடந்த ஆண்டு நவம்பர் மாதத்தில் கர்த்தார்புர் சாஹிப் இடைவழித் திறப்பு மிகவும் சரித்திர முக்கியத்துவம் வாய்ந்தது.

நாளை, குரு நானக் தேவ் ஜியின் பிறந்த நாளை கொண்டாடுவோம். அவரது செல்வாக்கு முழு உலகிலும் தெளிவாகக் காணப்படுகிறது. அவரது புகழ் வான்கூவர் முதல் வெலிங்டன் வரை, சிங்கப்பூரிலிருந்து தென்னாப்பிரிக்கா வரை எல்லா இடங்களிலும் எதிரொலிக்கிறது.

குரு நானக் தேவ் ஜி தான் லங்கார் பாரம்பரியத்தைத் தொடங்கினார். கொரோனா வைரஸ் தொற்றுநோய்களின் காலங்களில் மக்களுக்கு உணவளிக்கும் இந்த பாரம்பரியத்தை சீக்கிய சமூகம் எவ்வாறு தொடர்கிறது என்பதைப் பார்த்தோம்.

நவம்பர் 12ஆம் தேதி டாக்டர் சலீம் அலி அவர்களுடைய 125ஆம் பிறந்த ஆண்டு தொடங்கி இருக்கிறது. பறவைகள் உலகில் bird watching என்று அழைக்கப்படும் பறவைகள் கண் காணிப்பிற்காக அருஞ்செயல்களை ஆற்றியவர். பறவைகளை ரசிக்க, அவை குறித்த தகவல்களை திரட்ட நமக்கு பாடங்களை கற்றுக்கொடுத்துள்ளார் சலீம் அலி.  கடந்த சில நாட்களின் போது கேவடியாவில், பறவைகளோடு காலம் கழிக்கும் மிகவும் நீங்கா நினைவுகள் நிறைந்த ஒரு சந்தர்ப்பம் எனக்கு வாய்த்தது.

டிசம்பர் மாதம் 5ஆம் தேதியன்று ஸ்ரீ அரவிந்தர் மறைந்த நாள்: உள்ளூர் பொருள்களுக்குக் குரல் கொடுப்போம் என்ற இயக்கத்தை முன்னெடுத்துச் செல்லும் போது, ஸ்ரீ அரவிந்தரின் சுதேசிக் கோட்பாடு நம்முடைய பாதையில் வெளிச்சம் போட்டுக் காட்டுகிறது. எந்த ஒரு கல்வி நிறுவனத்திலும் நீங்கள் படித்து முடிக்கும் காலம் வரை மட்டுமே மாணவர்களாக இருக்க முடியும், ஆனால் அந்த நிறுவனத்தின் முன்னாள் மாணவர்களாக நீங்கள் நிரந்தரமாக இருக்க முடியும். டெல்லி ஐஐடியில் முன்னாள் மாணவர்கள் பல்வேறு வசதியை ஏற்படுத்திக் கொடுத்துள்ளனர்

இதனிடையே விவசாயிகளின் கோரிக்கைகளை நிறைவேற்றுவதாகப் பல ஆண்டுகளாக அனைத்து அரசியல் கட்சிகளும் உறுதியளித்து வந்தன. ஆனால், விவசாயிகளின் கோரிக்கை கள் இப்போதுதான் நிறைவேற்றப்பட்டுள்ளன. ஆழ்ந்த ஆலோசனைகள், விவாதங்களுக்குப் பின், நாடாளுமன்றம் புதிய வேளாண் சட்டங்களை நிறைவேற்றியிருக்கிறது.

வேளாண்மையில் கொண்டுவந்துள்ள இந்தச் சீர்திருத்தம், விவசாயிகளைப் பிரச்சினைகளில் இருந்து விடுவிப்பதோடு மட்டுமல்லாமல், அவர்களுக்குப் புதிய உரிமைகளையும், வாய்ப்பு களுக்கான கதவுகளையும் திறந்துவிடும். விவசாயி களுக்கு இந்த உரிமைகள் கிடைத்தவுடன் அவர்களின் பிரச்சினைகள் குறுகிய காலத்தில் குறைந்து வருகின்றன. இந்தச் சட்டத்தின் படி விவசாயிகளிடம் இருந்து விளைபொருட்களைக் கொள்முதல் செய்த 3 நாட்களில் அவர்களுக்குரிய பணத்தைச் செலுத்த வேண்டும் என்பதை உறுதியளிக்கிறது.

ஒருவேளை பணம் 3 நாட்களில் வழங்காவிட்டால், அந்த விவசாயி புகார் அளிக்கலாம். அது மட்டுமல்லாமல் புகார் பெற்றபின் அந்த மாவட்ட ஆட்சியர் ஒரு மாதத்துக்குள் புகாருக்குத் தீர்வு காண வேண்டும்.

வேளாண் மற்றும் அது தொடர்பான பணிகளில் இந்தியாவில் புதிய பரிமாணம் ஏற்பட்டுள்ளது. ராஜஸ்தான் பாரன் மாவட்டத்தில் உள்ள முகமது அஸ்லாம் ஜி, மகாராஷ்டிராவைச் சேர்ந்த ஜிதேந்திர போஜி, வீரேந்திர யாதவ் ஆகியோர் வேளாண் மூலம் அதிகமான லாபத்தை அடைந்து வருகிறார்கள். விளைநிலங்களில் அறுவடைக்குப் பின் மீதமாகும் வைக்கோலை ஆக்க பூர்வமாகப் பயன்படுத்தி, வைக்கோல் எரிப்பதால் உருவாகும் காற்று மாசுக்குத் தீர்வு கண்டுள்ளார்கள். இவர்களுக்கு வேளாண் துறையும் உதவி வருகிறது.