January 26, 2022

ஜனவரியில் இந்தியாவில் ஒமைக்ரான் அலை?

னிதரை முடக்கி கொல்லும் கோவிட் 19 எனும் கொரோனா தொற்று டெல்டா, டெல்டா ப்ளஸ் என உருமாறி வந்த நிலையில் தற்போது ஒமைக்ரான் என தனது மரபணுவை மாற்றிக் கொண்டு உலகின் 80 நாடுகளில் பரவி வருகிறது. அதிலும் தென்னாப்பிரிக்காவில் முதன்முதலில் கண்டறியப்பட்ட கொரோனா திரிபான ஒமைக்ரான் தொற்று தற்போது உலகின் 80 நாடுகளில் பரவி அச்சத்தை ஏற்படுத்தியுள்ளது.

இந்தியாவிலும் 111 பேர் ஒமைக்ரான் தொற்றால் பாதிக்கப்பட்டுள்ளனர். இந்த தொற்று வேகமாகப் பரவி வருவதால் உலக சுகாதார அமைப்பு இந்த தொற்றை உலக நாடுகள் எச்சரிகையுடன் கண்காணிக்க வேண்டும் எனக் கூறியுள்ளது.

மேலும் ஒமைக்காரன் தொற்று குறித்து உலகம் முழுவதும் ஆராய்ச்சிகள் நடைபெற்று வருகின்றன. இந்த தொற்று ஜனவரி, பிப்ரவரியில் வேகமாகப் பரவும் என ஆராய்ச்சியாளர்கள் எச்சரிக்கை விடுத்து வருகின்றனர். இந்தியாவில் தினசரி கொரோனா பாதிப்பு கடந்த 20 நாட்களாக 10,000க்கும் கீழ் உள்ளது. இதில் 40 சதவிகித பங்கு கேரளாவுடையதாகும். தற்போது ஒமைக்ரான் வகை தொற்று 11 மாநிலங்களில் 101 பேருக்கு இருப்பதாக பதிவாகியுள்ளது.இதுவரை போடப்பட்ட தடுப்பூசிகள் ஒமைக்ரானுக்கு எதிராக செயல்படாது என்பதற்கு எந்த அறிவியல் பூர்வமான ஆதாரமும் இல்லை. உலகளவில் இந்தியாவில்தான் அதிகமாக தடுப்பூசிகள் செலுத்தப்படுகிறது. அமெரிக்காவை விட 4.8, பிரிட்டனை விட 12.5 மடங்கும் அதிகமாக தடுப்பூசிகள் போடப்படுகிறது

இந்நிலையில் கேரளாவில் கோழிக்கோட்டில் அமைந்துள்ள கே.எம்.சி.டி மருத்துவக் கல்லூரியில் ஒமைக்ரான் பரவல் தடுப்பு குறித்து இணைய வழி கருத்தரங்கம் நடைபெற்றது.

இதில் பங்கேற்ற தொற்றுநோய் நிபுணர் நரேஷ் புரோகித், “ஒமைக்ரான் தொற்று டெல்டாவை விட வேகமாகப் பரவக்கூடியது. இந்தியாவில் டிசம்பர் 2ஆம் தேதி இரண்டு 2 பேருக்கு மட்டும் ஒமைக்ரான் தொற்று இருந்தது. டிசம்பவர் 14ம் தேதி 45 பேருக்குத் தொற்று பரவியது. 14 நாளில் மட்டும் 36 மடங்கு ஒமைக்ரான் தொற்று பரவியுள்ளது. இதனால் ஒமைக்ரான் நோயாளி சூப்பர் ஸ்பிரடர் ஆக மாறி, ஒமைக்ரானை பரப்பலாம். இதன் காரணமாக, ஜனவரியில் ஒமைக்ரான் அலை வீசக்கூடும்” எனத் தெரிவித்துள்ளார்.