December 4, 2021

ட்ரோன்கள் மூலம் மருந்து, மாத்திரை சப்ளை : இந்தியாவில் அறிமுகமாகிறது!

உலக அளவில் செயற்கை நுண்ணறிவின் தொழில்நுட்ப வளர்ச்சியால் இனி ஒவ்வோர் ஆண்டும் மருந்து தயாரிக்கும் நிறுவனங்களுக்கு 40 சதவீத வளர்ச்சி ஏற்படும் என ஆய்வுகள் தெரிவிக் கின்றன. செயற்கை நுண்ணறிவால் வருங்காலத்தில் சுகாதாரத் துறையில் 30-லிருந்து 40 சதவீதம் வரையில் செலவு குறையும் எனவும் அந்த ஆய்வின் முடிவுகள் உணர்த்தும் சூழ்நிலையில் கிராமப் புறங்களில் சரியான நேரத்தில் சரியான மருந்தை வழங்க நம் இந்தியாவில் ட்ரோன் வசதியை அறிமுகப்படுத்தவுள்ளது. மகாராஷ்டிரா அரசு இந்த வசதியை அடுத்த ஆண்டு தொடக் கத்தில் தொடங்கும்.,

இதுகுறித்து ஜிப்லைன் தலைமை நிர்வாக அதிகாரி கெல்லர் ரினாடோ கூறுகையில், “உலகம் முழுவதும், சரியான மருந்து கிடைக்காததால் ஒவ்வொரு ஆண்டும் மில்லியன் கணக்கான மக்கள் இறக்கின்றனர்” இத்தகைய சூழ்நிலையில், சரியான நேரத்தில் மருந்துகளை வழங்குவதன் மூலம் ட்ரோன் இந்த சிக்கலை சமாளிக்க உதவும். மில்லியன் கணக்கான மக்கள் தங்கள் தேவைக்கேற்ப இரத்தத்தையும் முக்கியமான மருந்துகளையும் பெற முடியும் என்று நாங்கள் நம்புகிறோம். என தெரிவித்துள்ளார்.

அதே நேரத்தில், ஜிப்லைனின் சர்வதேச தகவல் தொடர்பு மற்றும் பொது விவகாரங்களின் தலைவர் ஜஸ்டின் ஹாமில்டன் தெரிவிக்கையில்., “தாய் பிரசவ நேரத்தில் இரத்தப்போக்கு தொடங்கி, அந்த நேரத்தில் இரத்தம் தேவைப்பட்டால், மருத்துவர் வாட்ஸ்அப் செய்யலாம். இதன் பிறகு, அருகில் உள்ள விநியோகம் ட்ரோனில் ஒரு பாராசூட் கொண்ட ஒரு பாக்கெட்டில் தேவையான இரத்தக் குழுவை மையம் ஏற்றும், மேலும் அந்த பாக்கெட் 4-6 மணி நேரத்திற்கு பதிலாக 30 நிமிடங்களில் தேவையில் இருக்கும் நோயாளியை அடையும்” என தெரிவித்துள்ளார்.