Exclusive

‘ இறுதி பக்கம்’ -விமர்சனம்!

புஷ்பா தங்கதுரை, சுஜாதா, ராஜேஷ் குமார் போன்றோரின் கொலை, போலீஸ், விசாரணை டைப்பிலான துப்பறியும் கதைகளைத் தேடித் தேடிப் போய் அனுபவத்தை கிளறி விட்டு விட்டது ‘ இறுதி பக்கம்’ படம். கதை என்னவென்றால் ஒரு பெண் நாவலாசிரியர் கொலை செய்யப்படுகிறார். அக் கொலையை விசாரிக்க ராஜேஷ் பாலச்சந்திரன் மற்றும் உதவியாக பெண் போலீஸ் கிரிஜா ஹரி நியமிக்கப்பட இருவரும் இணைந்து எப்படி துப்பறிந்தார்கள் என்பதுதான் கதை.

முழு படமும் என்னவோ ஒரு கொலையும் அதனை விசாரிக்கும் தருணங்களும் தான் என்றாலும் படம் பேசும் பொருள் கொஞ்சம் முக்கியமானதும் விவாதத்திற்குரியதும் கூட. இக்கால பெண்கள் சுதந்திரத்தை அவர்களின் பாலியல் சுதந்திரத்தையும் காதல் காமம் இரண்டுக்கும் உள்ள வேறுபாட்டையும் ஒரு பெண்ணின் பார்வையில் சொல்ல முயன்றிருக்கிறது இந்தப்படம். படத்தின் தொடக்கக் காட்சியே எந்தவித சுற்றி வளைப்பும் இல்லாமல் கொலையில் ஆரம்பமாகிறது. கொலை நடந்த அடுத்த காட்சியில் விசாரணையும் ஆரம்பமாகி விடுகிறது அங்கேயே நம்மையும் படத்திற்குள் இழுத்து விடுகிறார்கள். ஆரம்பித்த சில காட்சிகளில் கொலை செய்த்வனையும் கண்டுபிடித்து விட்டாலும் ஏவியது யார் என்ற புள்ளியை வைத்துக்கொண்டு திரைக்கதையில் விளையாடியிருக்கிறார் இயக்குநர் மனோ வெ கண்ணதாசன்.

நடிகர்கள் அனைவரும் புதிது என்றாலும் படத்திற்கு தேவையானதை சரியாக செய்துள்ளார்கள். ராஜேஷ் பாலச்சந்திரன், அம்ருதா ஸ்ரீநிவாசன் இருவரும் கலக்கியிருக்கிறார்கள். குறிப்பாக நாவலாசிரியர் ரோலில் வரும் அம்ருதா தனிக் கவனம் பெறுகிறார் அவருடன் லிவ் இன் பார்ட்னராக வந்த ஸ்ரீ ராஜும், காதலனாக வரும் விக்னேஷ் சண்முகமும் தங்கள் ரோலை உணர்ந்து அசத்தி இருக்கிறார்கள் .

ஒரு பெண்ணை பாலியல் சுதந்திரம் கொண்டவளாக காட்டுவதும் பல ஆண்களுடன் தொடர்பு கொள்பவளாகவும் காட்டுவதும், அவளை நாயகியாக காட்டுவதும், தமிழ் சினிமாவில் கத்தி மேல் நடப்பது போன்றது. ஆனால் அதை பார்வையாளனுக்கு அருவருப்பு வராமல் ஒரு பெண்ணின் கோணத்தில் அவளின் நியாயத்தை காட்டியதற்காக பாராட்டலாம்.

படத்தின் இசை படத்தோடு ஒட்டவில்லை. கேமரா படத்தின் ஓட்டத்திற்கு உதவியுள்ளது.

படம் ஒரு நாவலை படிப்பது போன்று இருப்பதும் சினிமா பூச்சு இல்லாமல் கொஞ்சம் நாடகத்தன்மையுடன் இருப்பதும் மைனஸ்தான் என்றாலும் ஒரு கொலை விசாரணை படத்தில் யார் கொலையாளி என்பது தான் படம் ஆனால் அதை பார்வையாளன் யூகித்து விட்டால் படம் நிற்காது ஆனால் இப்படத்தில் அந்த விசயத்தில் ஜெயித்திருக்கிறார்கள் அடுத்தடுத்த க்ளுக்கள் போலீஸ் விசாரிக்கும் போது அவர்களுடன் சேர்ந்து நாமும் பயணிக்கிறோம். க்ளைமாக்ஸில் நமக்கு ஆச்சர்யம் தந்து சஸ்பென்ஸை உடைத்திருப்பது அழகுக்காகவே இப்படத்தை கொண்டாடலாம்

மொத்ததில் இந்த இறுதிபக்கம் சகலருக்கும் பிடித்த த்ரில்லர்

மார்க் 3.5 / 5

aanthai

Recent Posts

சுதந்திர தின விழாவில் முதல்வர் அறிவித்த 7 முக்கிய அறிவிப்புகள்!

“உத்திரப்பிரதேச மாநிலம் காசியில் பாரதியார் வாழ்ந்த வீட்டைப் பராமரிக்க அரசு சார்பில் ரூபாய் 18 லட்சம் ஒதுக்கீடு செய்யப்பட்டுள்ளது” என…

23 hours ago

“ 1947 ஆகஸ்ட் 16” திரைப்பட அதிகாரப்பூர்வ டீசர் வெளியானது!

நம்மைப் பெருமைப்படுத்தும் ஒரு காலகட்டத்தின் கதை! ஏ.ஆர். முருகதாஸ் தயாரிப்பில் ‘1947 ஆகஸ்ட் 16’ திரைப்படத்தின் அதிகாரப்பூர்வ டீசர் வெளியிடப்பட்டது.…

24 hours ago

பரியுடைமை (Freedom) உடைக்கப்பட்டு இருட்டு அறைக்குள் தள்ளப்பட்ட ஊடகவியலாளரின் மகள் நான்…மெஹனாஸ் கப்பன்!

உத்தர பிரதேச மாநிலம் ஹத்ராஸில் கடந்த அக்டோபர் மாதம் தலித் சிறுமி ஒருவர் பாலியல் வன்கொடுமை செய்யப்பட்டு கொலைசெய்யப்பட்டார். இது…

24 hours ago

“விதியோடு ஒரு ஒப்பந்தம்”!

1947ஆம் ஆண்டு ஆகஸ்ட் 14ஆம் தேதி நள்ளிரவு இந்தியா சுதந்திரம் அடைந்தவுடன் இந்தியாவின் முதல் பிரதமர் பண்டித ஜவஹர்லால் நேரு…

1 day ago

குடியரசுத் தலைவர் திரௌபதி முர்மு நாட்டு மக்களுக்கு விடுக்கும் செய்தி!- முழு விபரம்!

நம் நாட்டில் பாலின சமத்துவமின்மை குறைந்து வருகிறது, சமூக அரசியல் செயல்பாடுகளில் அதிகரித்துவரும் பெண்களின் பங்கெடுப்பு தீர்மானிப்பவையாக உள்ளது. நாட்டின்…

1 day ago

இந்தியர்கள் அனைவருக்கும் உளமார்ந்த “விடுதலைத் திருநாள் நல்வாழ்த்து”.!

பெருவெளியின் பிரம்மாண்டத்தோடு ஒப்பிடுகையில் மனிதன் மிகச்சிறிய வன்தான், ஆனால் அவன்தான் பேரண்டத்தை எதிரொலிக்கிற கண்ணாடி, அழகுற அதனை சித்தரிக்கும் கவிஞன்,…

2 days ago

This website uses cookies.