திமுக தலைமையிலான மதச்சார்பற்ற முற்போக்கு கூட்டணி கூட்டணி கட்சிகளுக்கான தொகுதிகள் அறிவிப்பு!

திமுக தலைமையிலான மதச்சார்பற்ற முற்போக்கு கூட்டணி கூட்டணி கட்சிகளுக்கான தொகுதிகள் அறிவிப்பு!

வர இருக்கும் பார்லிமெண்ட் தேர்தலில் திமுக தலைமையிலான கூட்டணிியில் காங்கிரஸ், மதிமுக, மார்க்சிஸ்ட், இந்திய கம்யூனிஸ்ட், விடுதலச் சிறுத்தைகள் கட்சி, இந்திய யூனியன் முஸ்லிம் லீக், கொங்குநாடு மக்கள் தேசிய கட்சி, இந்திய ஜனநாயக கட்சி ஆகியவை இடம் பெற்றுள்ளன. இந்தக் கூட்டணிக்கு மதச்சார்பற்ற முற்போக்கு கூட்டணி என பெயரிடப்பட்டுள்ளது.

கூட்டணி கட்சிகளுக்கான தொகுதிப் பங்கீடு ஏற்கெனவே முடிந்துவிட்டது. காங்கிரஸ் கட்சிக்கு புதுச்சேரி உட்பட 10, மார்க்சிஸ்ட், இந்திய கம்யூனிஸ்ட், விசிக கட்சிகளுக்கு தலா 2, மதிமுக, முஸ்லிம் லீக், கொமதேக, ஐஜேகே ஆகியவற்றுக்கு தலா 1 என கூட்டணி கட்சிகளுக்கு 20 தொகுதிகளை ஒதுக்கிவிட்டு, மீதமுள்ள 20 தொகுதிகளில் திமுக போட்டியிடுகிறது. தொகுதிகள் ஒதுக்கீடு தொடர்பாக கூட்டணி கட்சிகளின் குழுக்களுடன் திமுக பொருளாளர் துரைமுருகன் தலைமையிலான குழுவினர் பேச்சுவார்த்தை நடத்தினர். இதையடுத்து, எந்த கட்சிக்கு எந்தெந்த தொகுதிகள் என முடிவு செய்யப்பட்டு, ஒப்பந்தம் கையெழுத்தானது.

திமுக கூட்டணியில் போட்டியிடும் கட்சிகளின் தொகுதிகள் இறுதி செய்யப்பட்டு இன்று அறிவிக்கப்பட்டன. எந்தெந்த கட்சிகளுக்கு எந்தெந்த தொகுதிகள் என்பதை திமுக தலைவர் ஸ்டாலின் இன்று முறைப்படி அறிவித்தார்.

திமுக கூட்டணியில் மற்ற கட்சிகள் தங்களது தொகுதிகளை இறுதிப்படுத்தின. ஆனால் காங்கிரஸ் புதுச்சேரி மற்றும் தமிழகத்தில் 9 இடங்களில் போட்டியிட ஒப்பந்தம் கையெழுத்திடப்பட்டும், இழுபறி நீடித்தது. இறுதியாக 9 தொகுதிகளை காங்கிரஸ் பட்டியலிட்டுக் கொடுக்க அதற்கு திமுக ஓரளவு சம்மதம் தெரிவித்தது. தாங்கள் கொடுத்துள்ள 9 தொகுதிகளுக்கான பட்டியலை டெல்லி மேலிடத்திற்கு காங்கிரஸ் அனுப்பி வைத்துள்ளதாகவும் அங்கு அதற்கு ஒப்புதல் பெறப்பட்டு நேற்று இறுதியாக முடிவு ஏற்பட்டது.

அதன்படி திமுக கூட்டணியில் தொகுதி பங்கீடு குறித்த அறிவிப்பை திமுக தலைவர் ஸ்டாலின் இன்று முறைப்படி அறிவித்தார். அதன் விவரம்

மதிமுக – 1. ஈரோடு

விசிக – 1. சிதம்பரம், 2. விழுப்புரம்

மார்க்சிஸ்ட் கம்யூனிஸ்ட் – 1. மதுரை 2. கோவை.

இந்திய கம்யூனிஸ்ட் – 1. நாகை, 2. திருப்பூர்

இந்திய யூனியன் முஸ்லிம் லீக் – 1. ராமநாதபுரம்

ஐஜேகே – 1. பெரம்பலூர்

கொங்குநாடு மக்கள் தேசியக் கட்சி- 1. நாமக்கல் தொகுதி.

காங்கிரஸ் – 1. திருவள்ளூர், 2. ஆரணி, 3. திருச்சி, 4. கரூர், 5. சிவகங்கை, 6. கிருஷ்ணகிரி, 7. விருதுநகர், 8. தேனி 9. கன்னியாகுமரி மற்றும் 10. புதுச்சேரி

திமுக – 1. தென்சென்னை, 2. மத்திய சென்னை, 3. வடசென்னை, 4. ஸ்ரீ பெரும்பத்தூர், 5. காஞ்சிபுரம் (தனி), 6. அரக்கோணம், 7. வேலூர், 8. திருவண்ணாமலை, 9. சேலம், 10. கடலூர், 11. தர்மபுரி, 12. திண்டுக்கல், 13. கள்ளக்குறிச்சி, 14. மயிலாடுதுறை, 15 .நீலகிரி (தனி), 16. பொள்ளாச்சி, 17. தென்காசி (தனி), 18. தஞ்சாவூர், 19. தூத்துக்குடி, 20. நெல்லை

தொகுதிகள் ஒதுக்கீடு செய்யப்பட்டுள்ளதாக ஸ்டாலின் அறிவித்தார்.

error: Content is protected !!