நம்ம பி எம் மோடி ஒய்ப் யசோதா பென் உண்ணாவிரதம்!

மகாராஷ்டிர மாநிலம், மும்பையில் மும்பையில் மழைக்காலத்தில் குடிசைகள் இடிக்கப்படுவதற்கு எதிர்ப்புத் தெரிவித்து, “குட் சாமரிட்டன் மிஷன்’ என்ற அமைப்பு சார்பில் வெள்ளிக்கிழமை உண்ணாவிரதப் போராட்டம் நடைபெற்றது. இதில் பிரதமர் நரேந்திர மோடியின் மனைவி யசோதா பென் வெள்ளிக்கிழமை முழுவதும் கலந்து கொண்டார். அப்போது அவர் கூறுகையில், “மழைக் காலத்தில் குடிசைகள் இடிக்கப்படுவது குடிசைவாதிகளுக்கு இழைக்கப்படும் அநீதியாகும்’ என்றார்.
modi wife feb 13
முன்னதாக கடந்த 2014–ம் ஆண்டு நடைபெற்ற பாராளுமன்ற தேர்தலின் போது, மோடி தனது வேட்பு மனுவில் தனக்கு திருமணம் ஆகிவிட்டதாக குறிப்பிட்டிருந்தார்.இதையடுத்துதான் , மோடியின் மனைவியின் பெயர் யசோதா பென் என்பதும், திருமணமான சில ஆண்டுகளிலேயே அவர்கள் இருவரும் பிரிந்துவிட்டனர் என்பதும் தெரியவந்தது. அதாவது மோடி குஜராத் மாநிலத்தின் முதல் அமைச்சர் ஆவதற்கு பல ஆண்டுகளுக்கு முன்பே அவர் தனது மனைவியை பிரிந்து விட்டார்.

இதனிடையில் கடந்த நவம்பர் மாதம் யசோதா பென் பாஸ்போர்ட் கோரி விண்ணப்பித்தார். ஆனால், அதில் அவர் தனது திருமண சான்றிதழோ அல்லது மோடியை திருமணம் செய்து கொண்டதை நிரூபிக்கும் உறுதி மொழி ஆவணத்தேயோ அளி க்காததால் அவரது விண்ணப்பம் நிராகரிக்கப் பட்டது.இந்தநிலையில் யசோதா பென் நேற்று தகவல் அறியும் சட்டத்தின் கீழ் ஆமதாபாத் பாஸ்போர்ட் அலுவலகத்தில் மனு ஒன்றை தாக்கல் செய்தார்.

அதில் மோடி குஜராத் மாநிலத்தின் முதல்–அமைச்சராக இருந்தபோது அவர் பாஸ்போர்ட் பெறுவதற்காக தாக்கல் செய்த ஆவணங்களில் தனது திருமண விவரங்கள் குறித்து பதிவு செய்து உள்ளாரா? என்ற தகவலை கோரி உள்ளார்.இதை மண்டல பாஸ்போர்ட் அதிகாரி கான் உறுதி செய்து யசோதாவின் மனுவை பரிசீலித்து, உரிய தகவல்களை விரைவில் வழங்குவோம் என கூறி இருந்தது குறிப்பிடத்தக்கது