September 18, 2021

கலாம் புத்தக விழாவில் ஏற்பட்ட களேபரத்தால் ஃபங்ஷன் கேன்சல்!

நம்ம அப்துல் கலாம் எழுதிய ‘பிரமுக் ஸ்வாமிஜியுடனான என் ஆன்மீக அனுபவம்’ (Trans cendence – My Spiritual Experience with Pramukh Swamiji’-அப்படீஙக்ற நூலை பெண் எழுத்தாளர் ஸ்ரீதேவி எஸ். கர்த்தா மலையாளத்தில் மொழி பெயர்த்திருந்தார். இந்த நூல் வெளியீட்டு விழா இன்னிக்கு திருச்சூரில் நடப்பதாக இருந்தது. பப்ளிஷர் நட்த்தும் அந்த விழாவில் சமூக-ஆன்மீக இந்து மத அமைப்பை சேர்ந்த சுவாமி நாராயண சன்ஸ்தா என்பவரும் அவரது சீஷ்யர்ங்களும் கலந்துக் கொள்வதாக இருந்தது. அத்துடன் மலையாளத்தின் டாப் ரைட்டரான எம்.டி. வாசுதேவ் நாயரும் கலந்து கொள்வார் என கூறப்பட்டது.
kalam book sep 26
இதுக்கிடையிலே சுவாமி நாராயண சன்ஸ்தா, பெண்களுடன் மேடையை பகிர்ந்து கொள்ள விரும்பாததால், பெண் எழுத்தாளர் ஸ்ரீதேவி எஸ். கர்த்தாவை விழாவிற்கு வரவேண்டாம் என பதிப்பாளர்கள் கூறிவிட்டனர். புத்தக வெளியீட்டு விழா குறித்த அழைப்பிதழில் கூட மொழி பெயர்த்த ஸ்ரீதேவி கர்த்தா பெயர் இல்லை. இதனால் கோபமடைந்த ஸ்ரீதேவி இது பற்றி பேஸ் புக்கில் எழுதினார். தன் பேஜில் ”வெளியீட்டு நிறுவனம் என்னை நிகழ்ச்சியில் பங்கேற்க தடை விதித்தது. பிரமுக் சாமிஜியின் ஆஸ்ரமத்தாரின் விசித்திரமான கோரிக்கைக்கு செவிசாய்த்து இதனை அவர்கள் செய்துள்ளனர். ஆசிரமத்தை பிரதிநிதித்துவம் செய்யும் மேடையில் பெண் இருக்கக்கூடாதாம். மேலும் அரங்கத்தின் முதல் 3 வரிசைகள் ஆசிரமத்தின் ஆண் அங்கத்தினர் களுக்கு மட்டுமே உரித்தானதாக ஒதுக்கப்பட்டிருந்தது. பெண்களுக்கு அங்கு இடமில்லை” என்று பதிவிட்டிருந்தார்.மேலும் பெண்களின் நிழல்கூட தன் மீது விழக்கூடாது என்பதற்காக முதல் மூன்று வரிசை இருக்கைகள் அவரது சீடர்களுக்காக ஒதுக்கப்பட்டது எனவும் அவர் பேஸ்புக்கில் கூறியிருந்தார்.

இந்தத் தகவல் இணையத்தில் வேகமாக பரவியது. பெண்கள் அமைப்புகள் உட்பட பலர் விழா நடைபெறும் இடத்திற்கு வந்து போராட்டம் நடத்தினார்கள். பல பெண்கள், சுவாமியின் சீடர் களுக்காக ஒதுக்கப்பட்ட முன் இருக்கைகளில் அமர்ந்து போராட்டம் நடத்தினர். குறிப்பா மகிளா சங்கம், வனித கால சஹிதி, சமதா, ஏ.ஐ.எஸ்.எஃப், எஸ்.எஃப்.ஐ., டி.ஒய்.எஃப்.ஐ. ஆகியோர் ஆர்பாட்டத்தில் கலந்து கொண்டு கரண்ட் புத்தக நிறுவனம் பெண் மொழிபெயர்ப்பாளரிடம் மன்னிப்பு கேட்க வேண்டும் என்று வலியுறுத்தினர்.

போராட்டத்தை கேள்விப்பட்ட சுவாமிஜி முதல் பிரதியை பெற்று கொள்ள நிகழ்ச்சிக்கு வர மறுத்து விட்டதோடு தங்கியிருந்த ரூமை விட்டு வெளியே வரலையாம். இதை அடுத்து எழுத்தாளர் சாரா ஜோசப்பை முதல் பிரதியை பெற அழைத்தனர். இவரும் புத்தக வெளியீட்டாளர்களுக்கு ஆதரவாக பேச, போராட்டக்காரர்கள் இவரையும் எதிர்த்தனர்.ஒருகட்டத்தில் ரசபாசமாகி விட்ட சூழ்நிலை கட்டுக்கடங்காமல் போன நிலையில் பப்ளிஷரான கரண்ட் புக்ஸ் நிறுவனம் நிகழ்ச்சியை ரத்து செய்வதாக அறிவித்தது. பின்னர் அந்த கரண்ட் புக்ஸ் நிறுவன மேலாளர், கே.ஜே.ஜானி பத்திரிகையாளர்களிடம் கூறும்போது, நிகழ்ச்சி ரத்துக்காகவும் ஸ்ரீதேவி கர்தா கொடுத்த மன உளைச்சலுக்காகவும் மன்னிப்பு கேட்பதாக தெரிவித்தார்.