September 21, 2021

இணைய சமநிலை கருத்து தெரிவிக்க ஆகஸ்ட் 20 வரை அவகாசம் நீட்டிப்பு!

இன்றைய நிலையில் இந்தியாவில் 25 கோடி பேர் இணைய வசதியை பெற்றிருக்கும் நிலையில் ‘இணைய சமநிலை’ குறித்த காரசாரமான விவாதம் மறுபடியும் சூட்டை கிளப்பி இருக்கிறது.ஏற்கனவே அமெரிக்கா, சிலி, நெதர்லாந்து, பிரேசில் ஆகிய நாடுகளின் அரசுகள் ‘இணைய சமநிலை’க்கு தெளிவான ஆதரவு தெரிவித்து இருக்கின்றன. ஆனால் இந்திய அரசு இந்த விஷயத்தில் இப்போது வரையிலும் இழுத்தடித்துக் கொண்டே வருகிறது. இணைய சமநிலை பற்றி பொதுமக்கள், நிறுவனங்கள் மற்றும் வல்லுனர்கள் கருத்துக்களை அறிய அவ்வப்போது அது கெடு விதித்து கருத்துக் கேட்டு வருகிறது
www aug 16
அதன் படி இணைய சமநிலை குறித்து பொது மக்கள் கருத்துகளை தெரிவிப்பதற்கான கால அவகாசம் தற்போதும் நீட்டிக்கப் பட்டுள்ளது. வரும் ஆகஸ்ட் 20-ம் தேதி வரை கருத்துகள் தெரிவிக்கலாம் என்று மத்திய அரசு அறிவித்து உள்ளது. அதன் பிறகு இதற்கான கொள்கை வகுக்கப்படும் என்று மத்திய அரசு தெரிவித்திருக்கிறது. இதற்கு முன்பு ஆகஸ்ட் 14 வரை கருத்துகள் தெரிவிக்குமாறு மத்திய அரசு தெரிவித்திருந்தது. இறுதி தினத்தில் அதிகமான கருத்துகள் வந்ததால் கால அவகாசம் நீட்டிக்கப்பட்டுள்ளது.

தொலைத்தொடர்பு துறை அமைச்சர் ரவிசங்கர் பிரசாத் தலைமையிலான குழுவுக்கு ஆகஸ்ட் 14-ம் தேதிக்கு முன்பாக 700 கருத்துகள் மட்டுமே வந்திருந்தன. ஆனால் இறுதிநாளில் 33,600 கருத்துகள் வந்தன. இதனால் கால அவகாசம் நீட்டிக்கப்பட்டன. சேவ் த இன்டர்நெட் மற்றும் ஏ.ஐ.பி உள்ளிட்ட நிறுவனங்கள் விளம்பரம் செய்ததால் கருத்துகள் குவிந்தன.

முன்னதாக தொலைத்தொடர்பு துறை ஒழுங்குமுறை ஆணையத்துக்கு 10 லட்சம் கருத்துகள் ஏப்ரல் மாதம் வந்தன. சில மாதங்களுக்கு முன்பு ஏர்டெல் நிறுவனம் ஏர்டெல் ஜீரோ என்னும் புதிய திட்டத்தை அறிமுகப்படுத்தியது. அந்த திட்டத்தில் சில இணைய தளங்களை இலவசமாக பயன்படுத்திக்கொள்ள முடியும் என்று தெரிவித்திருந்தது. அப்போ திருந்து இணைய சமநிலை குறித்த விவாதங்கள் பெருகி வந்தன என்பது குறிப்பிடத்தக்கது