மரமே மந்திரம்..! மரம் ஒன்றே மந்திரம்…!! – AanthaiReporter.Com

மரமே மந்திரம்..! மரம் ஒன்றே மந்திரம்…!!

த்து ஆண்டுகள் என்பது ஒரு சிறு கால அளவாக தோன்றுமாயின் அது மிகப்பெரிய தவறு. இந்த  பத்தாண்டு கால அளவுகளில் எத்தனை குடும்பங்கள் வேலையிழந்தது எத்தனை அழிவுகளைச் சந்தித்தோம் என்று யாரேனும் சிந்தித்ததுண்டா?

1980 களில் தொலைக்காட்சிப் பெட்டி வந்தது…. பக்கத்து வீடுகளின் நட்பு துண்டாக ஆரம்பித்தது… ரேடியோக்கள் மறைய ஆரம்பித்தன…

செயற்கை உரங்கள் ஊடுருவ ஆரம்பித்தன… இயற்கை விவசாயம் அழிய ஆரம்பித்தது…

குளிர்பானங்கள் ஊடுருவத் தொடங்கிறன..இளநீர், பதநீர் அழிய ஆரம்பித்தது…

வெள்ளைச் சர்க்கரை பரவலாக பிரபலம் ஆனது… சர்க்கரை நோய் படர ஆரம்பித்தது…

சிகரெட்டுகள் அதிக அளவில் விற்பனையாகத் தொடங்கின… வெற்றிலை பாக்கு அழிய ஆரம்பித்தது…புற்றுநோய் முளைக்க ஆரம்பித்தது…

ரீல் கேசட்டுகள் வந்தன… பாடல் நிறைந்த தட்டு கிராமோஃபோன்கள் ஒலிக்காமல் போயின…

ரஸ்னா வந்தது… எலுமிச்சை சாறு ஆவியானது…

பெரிய ஊரிலிருந்து இன்னொரு பெரிய ஊருக்கு போகும் வழியே ஒற்றை தார் சாலை…. புளியமரங்கள் இரு புறமும் இருந்தன.

*மாவட்டத்திற்க்கு ஐந்து ஆறு மருந்து கடைகள் இருந்தன…

1990 களில் வண்ண தொலைக்காட்சி வந்தது வண்ணவண்ண விளம்பரங்கள் வரத்தொடங்கின… நோய்கள் அதிக அளவில் வேர்விட ஆரம்பித்தன..

ஐஸ்வர்யா ராய் எல்லாம் ஓர் அழகி, அவளை உலக அழகி என்றார்கள்…. மஞ்சள் பூசிய பெண்கள் ஃபேர் அன்ட் லவ்லிக்கு மாறினார்கள்…

கலர்கலராய் பேஸ்ட்கள் வந்தன. கோபால் பல்பொடி, பையோரியா பல்பொடி, வேப்பங்குச்சி, ஆலங்குச்சி, கரித்தூள், உப்பு, செங்கல்தூள் போட்டு பல் விளக்கியவர்கள் பேஸ்ட் பிரஷ் சகிதம் பல்லை பளிச் ஆக்கினார்கள்…

இரு சக்கர வாகனங்கள் நடுதர வர்க்கத்தினரும் வாங்கக் கூடி அளவுக்கு விலை குறைந்தது சைக்கிளில் பயணித்தவர் பலர் இன்று மூட்டுவலியோடு சக்கர நாற்க்காலியில்.

ஒன்றிரெண்டு வீடுகளில் இருந்த தொலைபேசி, தொலைக்காட்சிப் பெட்டி அதிகமான வீடுகளைத் தொட்டது… அஞ்சல் நிலையங்கள் ஓய்வு நிலையங்களாக மாறத்தொடங்கின…

சீ.டி குறுந்தகடுகள் வந்தன.. ரீல் பாட்டு கேசட்டுகள் ரீல் உருவப்பட்டன…

சரக்கு பாட்டில்கள் பல வடிவங்களில் வந்தன. பலர் பலவித கோணங்களில் தெருவில் நடந்தனர்…

மேகி வந்தது… பழைய சாதம், இட்லி, தோசை, இடியாப்பம் போன்ற காலை உணவு செரிக்காமல் போனது…

ஐஸ்கட்டி பெப்ஸி வந்தது… கப்ஐஸ், பால்ஐஸ், சேமியாஐஸ் கரைந்து போனது…

ஏசி பிரபலம் ஆனது… மரங்களுக்கு பிராப்ளம் ஆனது…

வாசிங் மெஷின் வந்தது… இன்று பெண்கள் எலும்புச் சத்து கால்சியம் ஹார்லிக்ஸ் குடிக்கிறார்கள்…

ஃபிரிட்ஜ் வந்தது… மண்பானைகள் உடைந்தன…

ஓசோன்ல ஓட்டைங்கற புது வார்த்தை காதுக்குள் பாய்ந்தது…

வீடியோ கேம்ஸ் வந்தது… பம்பரம், கோலிகுண்டு, கிட்டிபுல் போன்ற விளையாட்டுக்கள் மாயமாயின..

ஊருக்குள்ளே ஒரு பெரிய பகுதியிலிருந்து இன்னொரு பெரிய பகுதிகளுக்கு தார்ச்சாலை… ஊர்சாலை இருவழி சாலையாக மாற்றப்பட்டன.. மரங்கள் வெட்டப்பட்டன.

இன்னும் பல…

2000 களில் ஆர்.ஓ சுத்திகரிப்பு வீட்டுக்கு வீடு மாட்டப்பட்டது… சளி சிந்த ஆளுக்காளுக்கு கைக் குட்டை அவசியமானது… ஜலதோஷமா? ஆமாப்பா ஆமா, மூக்கடைப்பா? ஆமாப்பா ஆமா, விளம்பரம் பயன்பட்டது… மருந்து கம்பெனிக்காரன் கட்டிட கட்டுமான பொருட்களுக்கு புக் பண்ணான்.

மஞ்சள் பூசியபோது வராத தோல் நோய்கள், பரு, கரும்புள்ளி எல்லாம் மெல்லமாய் சருமம் மேல் தலைகாட்ட முகம் கருமமாக மாற கவலையடைந்த நம்ம ஊர் ஐஸ்வர்யாராய்களுக்கு விடை கிடைத்தது வண்ண தொலைக்காட்சி பெட்டியில் அடுத்தடுத்த வந்த விளம்பரங்கள்… இந்த முறை மருந்து கம்பெனிக்காரன் கட்டுமான பொருட்களையே தயாரிக்க ஆரம்பிச்சுட்டான் அவனோட அடுத்த கட்டிடங்களுக்கு…

டிஜிட்டல் கேமராக்கள் வந்தன.. பல பிலிம் நிறுவனங்களும், ஸ்டுடியோக்களும் கடையை காலி செய்தன.

குடிநீர் பாட்டில் வந்தது… ஏங்க கொஞ்சம் குடிக்க தண்ணிக்குடுங்க என்ற வார்த்தைகள் காணமல் போயின…

பட்டன் வச்ச செங்கல் செல்ஃபோன் போயி சிறுவடிவ செல்ஃபோன் வரை வந்தது. லேண்ட்லைன் ஃபோன், பேஜர்களுக்கு பேஜார் ஆனது. விபத்துக்கள் அதிகம் ஆகின… ஹெல்மெட் வியாபாரம் பட்டையைக் கிளப்பின…

தெருவுக்கு தெரு தார்சாலை… ஊர் சாலைகள் நான்கு வழிபாதையாக மாற்றப்பட்டன… நான்கு மடங்கு மரங்கள் அழிக்கப்பட்டன…

வெப்பம் அதிகரித்தது. ஆர்டிக் பனி உருக ஆரம்பித்தது…

*போஸ்ட்க்கு இருபது முப்பது மருந்து கடைகள் இருந்தது…

2010 லிருந்து உங்களுக்கே தெரிந்திருக்கும்…. தெரியலைனா தெரிஞ்சுக்க வேண்டிய அவசியம் இருக்கு…

நாம் இப்பவும் ஆர்டிக் பனி உறைஞ்சு வந்தா என்ன அதான் ஓசோன்ல ஓட்டை இருக்கே அதுவழியா தண்ணி வெளியே போயிடும்யானு மொட்டை தலைக்கும் மொழங்காலுக்கும் சம்மந்தமே இல்லாம முடிச்சிபோட்டுக்கிட்டு ஜாலியா இருக்கோம்.

*இப்போது வீட்டுக்கு வீடு மருந்துக்கடை தொடங்கும் அளவுக்கு மருந்துகள் உள்ளன.

ஆக இந்த பத்து ஆண்டுகள் என்பது வளர்ச்சி தரும் கால அளவுனு தீர்மானிச்சா… அது முற்றிலும் தவறு… அடுத்த பத்து ஆண்டுகளில் அதாவது 2020 லிருந்து 2030 க்குள் ஆக்ஸிஜன் சிலிண்டர் விற்பனைக்கு வந்துவிடும். ஏற்கெனவே சீனாவில் வியாபாரம் ஆக தொடங்கி விட்டது

இப்போதாவது விழித்துக்கொள்ளுங்கள் நண்பா… மரங்களை நடுங்கள் ஆக்ஸிஜன் தானாக கிடைக்கும், மழை வரும்… நீர் நிலைகளை சரி செய்து மழைநீரை சேமித்து பாசனத்திற்கு திறந்து விடுங்கள். விவசாயம் பெருகும்… கால் நடைகளை பெருக்குங்கள். இவைதான் எல்லா தொழிலுக்குமே மூலதனம்… சிந்தித்து செயல்படுங்கள்…. மரமே மந்திரம்… மரம் ஒன்றே மந்திரம்...

மோகன ரூபன்