பெங்களூரு ஜெயிலிருந்து ஐந்து நாள் பரோலில் சென்னை வந்தார் சசிகலா! – AanthaiReporter.Com

பெங்களூரு ஜெயிலிருந்து ஐந்து நாள் பரோலில் சென்னை வந்தார் சசிகலா!

உடல் உறுப்பு தானம் வாங்கி அறுவை சிகிச்சை செய்துள்ள கணவர் நடராஜனை பார்பதற்காக, 233 நாட்களுக்குப் பின் சசிகலா தற்போது பரோலில் வெளி வந்துள்ளார். பாதுகாப்பு நடவடிக்கையாக போலீசார் குவிக்கப்பட்டுள்ளது.

முன்னதாக் சொத்துக் குவிப்பு வழக்கில் 4 ஆண்டு சிறைத்தண்டனை உறுதி செய்யப்பட்டதை தொடர்ந்து சசிகலா, இளவரசி, சுதாகரன் ஆகிய 3 பேரும் கடந்த பிப்ரவரி 15-ம் தேதி பெங்களூரு பரப்பன அக்ரஹாரா சிறையில் அடைக்கப்பட்டனர். இதைத் தொடர்ந்து சசிகலா தாக்கல் செய்த மறு சீராய்வு மனுவை உச்சநீதிமன்றம் தள்ளுபடி செய்தது. இந்த சூழலில் சசிகலாவின் கணவர் நடராஜனின், உடல்நலம் கடுமையாக பாதிக்கப்பட்டு சென்னையில் உள்ள மருத்துவமனையில் அனுமதிக்கப்பட்டிருக்கிறார்.உயிருக்கு ஆபத்தான நிலையில் அவர் சிகிச்சை பெற்று வருகிறார். தற்போது அறுவை சிகிச்சைக்கு பின் அவர் தேறி வருவதாக மருத்துவர்கள் தெரிவித்துள்ளனர். இதனால் சசிகலா 15 நாட்கள் பரோல் கேட்டு கர்நாடக சிறை நிர்வாகத்திடம் விண்ணப்பம் கொடுத்தார்.

பரோல் விண்ணப்பத்தில் நடராஜனின் மருத்துவ சிகிச்சை ஆவணங்களை சசிகலா இணைக்கவில்லை. இதை காரணம் காட்டி, பரோல் விண்ணப்பத்தை கர்நாடக சிறைத்துறை தள்ளுபடி செய்தது. பின் உரிய ஆவணங்களுடன் மீண்டும் மனு செய்யும்படி கேட்டுக் கொண்டது. அதையடுத்து ஆட்சேபனை இல்லா சான்றிதழ் கேட்டு சென்னை சிட்டி போலீஸிடம் கோரினர். ஆனால் இந்த விவகாரத்தில் அரசியலைக் கலக்காமல், சசிகலா பரோலுக்கு தமிழக போலீஸ் துறை பச்சைக்கொடி காட்டியது. நேற்று கடிதம் தமிழக அரசிடமிருந்து கர்நாடக சிறைத்துறைக்கு அனுப்பி வைக்கப்பட்டது. இந்நிலையில், கவலைக்கிடமாக இருக்கும் கணவர் நடராஜனை பார்பதற்காக, 223 நாட்களுக்குப் பின் சசிகலா தற்போது பரோலில் வெளி வந்துள்ளார். பாதுகாப்பு நடவடிக்கையாக போலீசார் குவிக்கப்பட்டுள்ளது.

ஐந்து நாள்பரோலில் வெளிவந்துள்ள சசிகலாவுக்கு கடும் கட்டுபாடுகள் விதிக்கப்பட்டுள்ளதாக செய்திகள் வெளிவந்துள்ளன. அந்த கட்டுபாடுகள் இவை தான்:

# ஊடகங்களுக்கு பேட்டி வழங்கக் கூடாது

#நடராஜனை மட்டும் சந்திக்க வேண்டும்

#அரசியல் ரீதியாக யாரையும் சந்திக்கக் கூடாது

#அரசியல் கட்சியினரையும் சந்திக்கக் கூடாது.

சசிகலாவுக்கு விதிக்கப்பட்டுள்ள இந்த நிபந்தனைகள் தமிழக அரசின் ஆலோசனையின் பேரில் விதிக்கப்பட்டுள்ளதாக தகவல்கள் வெளியாகி உள்ளது குறிப்பிடத்தக்கது.