குடியுரிமை சட்டம் தொடர்பாக மக்கள் தங்கள் கருத்துக்களை பதிவு செய்யலாம்: உள்துறை அமைச்சகம்!

குடியுரிமை சட்டம் தொடர்பாக மக்கள் தங்கள் கருத்துக்களை பதிவு செய்யலாம்:  உள்துறை அமைச்சகம்!

மோடி தலைமையிலான பாஜக ஆளும் மத்திய அரசானது குடியுரிமை சட்டத்தில் புதிய திருத்தத் தை கொண்டுவந்தது. இந்த சட்ட திருத்தத்திற்கு எதிராக நாடுமுழுவதும் பல்வேறு இடங்களில் போராட்டம் நடைபெற்று வருகிறது. இதனிடையே இந்த சட்டம் தொடர்பாக மக்கள் தங்கள் கருத்துக்களை பதிவு செய்யலாம் என மத்திய உள்துறை அமைச்சகம் தெரிவித்துள்ளது.

மத்திய அரசு அண்மையில் குடியுரிமை சட்டத்தில் திருத்தம் கொண்டு வந்தது. அதன் படி, இந்தியா வில் குடியேறிய வங்கதேசம், பாகிஸ்தான், ஆப்கானிஸ்தான் மக்களில் முஸ்லீம்கள் தவிர இந்துக்கள், பௌத்தர்கள், சீக்கியர்கள், சமணர்கள் என ஏனைய மதத்தை சேர்ந்தவர்கள் 6 வருடம் தங்கியிருந்தாலே அவர்களுக்கு இந்திய குடியுரிமை வழங்கப்படும். ஆனால், முஸ்லீம்கள் மட்டும் 11 வருடம் ( ஏற்கனவே உள்ள நடைமுறை ) இந்தியாவில் இருந்தால் தான் குடியுரிமை என்கிற சட்டத்தை மத்திய அரசனது இரு அவைகளிலும் நிறைவேற்றி ஜனாதிபதி ஒப்புதலும் பெற்றுவிட்டது. அதே சமயம் இச்சட்ட திருத்தத்தில் தமிழகத்தில் உள்ள இலங்கை அகதிகள் பற்றி குறிப்பிடப்படவில்லை.

இந்நிலையில் இந்தச் சட்டத்திற்கு எதிராக நாடு முழுவதும் எதிராக பல போராட்டங்கள் நடை பெற்று வருகின்றன. பல இடங்களில் வன்முறை சம்பவங்கள் நடைபெற்று வருகின்றன. தமிழகத்திலும் பல இடங்களில் போராட்ட்டம் நடைபெற்று வருகிறது. போராட்டம் தீவிரமடைந் ததன் காரணமாக குறிப்பிட்ட இடங்களில் டெலிபோன் இணைப்பு, இன்டர்நெட் தொடர்பு துண்டிக்கப் பட்டுள்ளது.

சில நாட்கள் நடப்பதை வேடிக்கைப் பார்த்தும் அறிக்கை மூலம் கண்டித்தும் வந்த மத்திய உள்துறை அமைச்சகம் தற்போது அதிரடி அறிவிப்பை வெளியிட்டுள்ளது. அதாவது, குடியுரிமை திருத்த சட்டம் தொடர்பாக மக்கள் தங்கள் கருத்துக்களை தெரிவிக்கலாம் என தெரிவித்துளளது. அதாவது வர இருக்கும் குடியுரிமை திருத்த சட்டத்திற்க்கான விதிமுறைகள் மக்கள் கருத்துக்களை கேட்ட பிறகு தான் வகுக்கப்படவேண்டும். விதிமுறைகள் சரிபார்க்கபட்டுத்தான் சட்டம் அமலுக்கு வரும். தற்போது வரை அச்சட்டம் அமல்படுத்தப்படவில்லை. அதே சமயம் டெல்லி, உத்திர பிரதேசம் போன்ற மாநிலங்களில் தேவையான பாதுகாப்பு நடவடிக்கைகள் எடுக்கப்பட்ட பின்னரே சட்டம் அமலுக்கு வரும் என மத்திய உள்துறை அமைச்சர் அமித்ஷா தெரிவித்துள்ளார்.

Related Posts

error: Content is protected !!