காஷ்மீர் விவகாரம் :வதந்தி பரப்புவோரின் ட்விட்டர் கணக்குகள் முடக்கம்! – AanthaiReporter.Com

காஷ்மீர் விவகாரம் :வதந்தி பரப்புவோரின் ட்விட்டர் கணக்குகள் முடக்கம்!

ஜம்மு-காஷ்மீர் நிலவரம் குறித்து தேசநலனுக்கு எதிராக வதந்திகளை பரப்புவோரின் கணக்குகளை முடக்குமாறு ட்விட்டர் நிறுவனத்தை மத்திய அரசு கேட்டுக் கொண்டுள்ளது.

 

ஜம்மு- காஷ்மீருக்கு வழங்கப்பட்ட சிறப்பு அந்தஸ்தை மத்திய அரசு சமீபத்தில் நீக்கியது. அத்துடன் ஜம்மு- காஷ்மீர் மாநிலத்தை ஜம்மு காஷ்மீர் மற்றும் லடாக் என இரண்டு யூனியன் பிரதேசங் களாக பிரிக்கப்பட்டன. மத்திய அரசின் இந்த நடவடிக்கைக்கு ஆதரவாகவும், எதிராகவும் பலரும் கருத்து தெரிவித்து வருகின்றனர்.

இந்நிலையில் ஜம்மு- காஷ்மீர் தொடர்பாக இந்தியாவிற்கு எதிரான நோக்குடன் தவறான மற்றும் ஆதாரமற்ற செய்திகளை பரப்பியதாக 4 ட்விட்டர் கணக்குகள் இடைக்காலமாக முடக்கப்பட்டு உள்ளன. பாதுகாப்பு அதிகாரிகளின் கோரிக்கையை ஏற்று ட்விட்டர் நிறுவனம் இந்த நடவடிக் கையை எடுத்துள்ளது. அத்துடன், இதேபோன்று நடவடிக்கையில் ஈடுபட்டுள்ள மேலும் 4 ட்விட்டர் கணக்குகள் விரைவில் முடக்கப்படும் எனவும் அதிகாரிகள் தெரிவித்துள்ளனர்.

சுதந்திர தினத்தன்று காஷ்மீர் பிரிவினைவாதிகள் மூலம் தேவையற்ற பிரச்சனைகள் ஏற்பட வாய்ப்புள்ளதாக வந்த எச்சரிக்கையை அடுத்து இந்த நடவடிக்கை மேற்கொள்ளப்பட்டுள்ளதும் குறிப்பிடத்தக்கது.