ஜேப்பியார் பெயரில் அருங்காட்சியகம்!

கன்னியாகுமரி மாவட்டம் முட்டம் கிராமத்தில் பிறந்த ஜேப்பியார் அவர்கள் காவல்துறையில் சிறிது காலம் பணியாற்றி, பின்னர் மக்கள் திலகம் எம்.ஜி.ஆர். அவர்களின் நம்பிக்கைக்கும், அன்பிற்கும் உரியவராக அண்ணா தி.மு.க.வில் திகழ்ந்தார்.  மேலவையில் ஆளும் கட்சியின் கொரடாவாகவும், சென்னை மாநகரில் சோதனையான காலகட்டத்தில் குடிநீர் வழங்கும் பொறுப்பில் திறமையாகப் பணியாற்றினார். மக்கள் திலகம் மறைவுக்கு பின்னர் அரசியலை விட்டு விலகினார்.

ஒரு பொறியியல் கல்லூரி தொடங்கி அதனை நிகர் நிலை பல்கலைக்கழகமாகவே உருவாக்கினார். அவரது விடா முயற்சியால் கல்வியில் பட்டங்கள் பெற்று அண்ணா பல்கலைக் கழகத்தில் முனைவர் பட்டமும் பெற்றார்.  பழகு வதற்கும், நட்புக்கும் மிக மிக இனிமையானவர் மறைவுக்கு பிறகும் பலர் அவரை நினைவு கூர்ந்து கொண்டே இருப்பது வழக்கம். இந்நிலையில் ஜேப்பியார் பெயரில் அருங்காட்சியகம் ஒன்று திறக்கப்படுள்ளது.

இது குறித்து ஜேப்பியார் குழுமம் வெளியிட்ட செய்திக் குறிப்பில், “1970 களிலே 15-க்கும் மேற்பட்ட கல்வி நிறுவனங்களை உருவாக்கி, முதன்மை வகித்து தன்னிகரற்று திலகமாய் திகழ்ந்தவர், கலைத்தலைவர், எங்கள் கதாநாயகர், அனைவரின் அன்பிற்கும் பரிசாய் “கல்வித்தந்தை” என போற்றப்படுபவர், மறைந்த “முனைவர். டாக்டர். ஜேப்பியார்”.அவரை சிறப்பிக்கும் வகையில், இந்தியாவிலேயே முதன்முறையாக ஓர் கல்வியாளருக்காக ஓர் பிரம்மாண்டமான அருங்காட்சியகம், ஜேப்பியார் பொறியியல் கல்லூரியில், எங்கள் கதாநாயகர் ஈன்றெடுத்த பொன்மகளும், ஜேப்பியார் கல்லூரியின் வேந்தருமான டாக்டர். மு. ரெஜினா ஜேப்பியாரால் நிறுவப்பட்டது.

எங்கள் கதாநாயகரின் பல்துறை சாதனைகளையும, வாழ்வியலையும், தோற்றம் முதல் மறைவு வரை எம் கண்ணெதிரே தத்ரூபமாய், சீரும் சிறப்புமாய், சித்தரித்த கலை வல்லுனல் திரு. A. P. ஸ்ரீதர் அவர்களுக்கு எங்கள் நெஞ்சார்ந்த நன்றி.

இன்று காலை 10.30 மணியளவில் இவ்வருங்காட்சியகத்தின் திறப்பு விழாவை சிறப்பிக்க வந்த சிறப்பு விருந்தினர் R.M.K பொறியியல் கல்லூரியின் வேந்தர் திரு. R.S. முனிரத்தினம் அவர்களையும், மேலும் இவ்விழாவில் கலந்துகொண்ட டாக்டர். மு. ரெஜினா ஜேப்பியார் – வேந்தர் – ஜேப்பியார் பொறியியல் கல்லூரி, திரு. J. முரளி – வேந்தர்- ஜேப்பியார் தொழில்கூட குழுமம், டாக்டர். மரியசினா ஜான்சன்- சத்தியபாமா பல்கலைகழக வேந்தர், திரு அருள் செல்வி – வேந்தர் – ஆனந்த் இன்ஸ்டிட்யூட், டாக்டர். சின்னதுரை – பனிமலர் பொறியியல் கல்லூரி வேந்தர், திரு. கனாகம்பரம்- தொழிற்பேட்டை உற்பத்தியாளர் சங்கத்தின் தலைவர், திரு. ஐசரி கணேஷ் – வேந்தர் வேல்ஸ் பல்கலைகழகம், திரு. சிட்டிபாபு – வேந்தர் – அக்சயா கட்டுமானம் – தலைவர் அனைத்திந்திய கட்டுமான சங்கம், திருமதி. சரண்யா ஜெயகுமார்- வேந்தர் – செயின்ட் ஜோசப் பொறியியல் கல்லூரி, ஆயர். லாரன்ஸ், திரு. நாசர், நடிகர் சங்க தலைவர், திரு . சாய்- IFY வேந்தர் ஆகியோர் கலந்துகொண்டு விழாவினை சிறப்பித்தனர்” என்று தெரிவிக்கப்பட்டுள்ளது.