ஆப்பிள் & கூகுள் நிறுவனத்தை விட வளர்ச்சி அடைய விரும்பும் குஜராத் பள்ளி மாணவன்! – AanthaiReporter.Com

ஆப்பிள் & கூகுள் நிறுவனத்தை விட வளர்ச்சி அடைய விரும்பும் குஜராத் பள்ளி மாணவன்!

குஜராத் மாநிலத்தை சேர்ந்த 10 வகுப்பு படிக்கும் ஹர்சவர்தன் சாலா என்ற 14 வயது சிறுவன், நில கன்னிவெடி இருக்கும் இடத்தை கண்டுபிடிக்கும் ட்ரோன் முன்மாதிரியை கண்டுபிடித்துள்ளார்.இவரின் இந்த ட்ரோன் கண்டுபிடிப்பை குஜராத் மாநில அறிவியல் மற்றும் தொழில்நுட்ப துறை பெரிதும் பாராட்டியுள்ளது.

guj boy jan 13

போரின் போது எதிரிகள் நிலத்தில் மறைத்து வைத்திருக்கும் நிலக் கன்னிவெடியில் சிக்கி பல ராணுவ வீரர்கள் பரிதாபமாக இறக்கின்றனர். பல குண்டுகள் செயழிலக்க வைக்கும் போதே வெடித்து சிதறவும் செய்கின்றது.இவ்வாறு நிலத்தில் மறைத்து வைத்திருக்கும் கன்னிவெடிகளை கண்டறியும் நுட்பம் வாய்ந்ததாக இந்த ட்ரோன் வடிவமைக்கப்பட்டுள்ளது. இதனால் பல ராணுவ வீரர்களின் உயிரை காக்க முடியும்.

இது குறித்து மாணவன் ஹர்சவர்தன் சாலா, “சிறுவயதில் இருக்கும் போது ராணுவ வீரர்கள் கன்னி வெடியில் சிக்கி இறக்கும் வீடியோவை பார்த்தேன். அப்போது முதல் இது தடுப்பது குறித்து ஏதேனும் செய்ய வேண்டும் என ஆசைப்பட்டேன். அது தான் இந்த ட்ரோன் உருவாக முக்கிய காரணமாக அமைந்தது. தற்போது நான் ‘ஏரோபோட்டிக்’ என்ற நிறுவனத்தை தொடங்கி நான் கண்டுபிடித்துள்ள ட்ரோனுக்கான காப்புரிமை பெற்றுள்ளேன்.எனது இந்த ட்ரோன் குறித்த முன்மாதிரியை அமெரிக்காவிலும் சென்று விளக்கினேன். நான் அமெரிக்காவுக்கு சென்று வரும் செலவை குஜராத்தில் உள்ள ‘எல்டி பொறியியல் கல்லூரி’ செய்தது.

எனது அமெரிக்காவில் என் ட்ரோன் முன்மாதிரி குறித்த விவரித்த பின், அந்த நாட்டிலிருந்து என் நிறுவனத்திற்கு முதலீடு செய்ய முன் வருகின்றனர்.இந்த ட்ரோனை ஒன்றை 5 லட்சத்துக்கு விற்க உள்ளேன். உலகிலேயே குறைந்த விலை ட்ரோன் இது தான். இருப்பினும் என் மாநிலத்திற்காக ஒரு ட்ரோன் 2 லட்சம் ரூபாக்கு வழங்க முன் வந்துள்ளேன். என கண்டுபிடிப்பை பாராட்டியும், அதை வாங்க 5 கோடி ரூபாய்க்கு புரிந்துணர்வு ஒப்பந்தம் போடபட்டுள்ளது.

என் நிறுவனத்தை ஆப்பிள் நிறுவனத்தை விட அல்லது கூகுள் நிறுவனத்தை விட பெரிதாக வளர்க்க ஆசைப்படுகிறேன். அதற்காக உழைக்க உள்ளேன்”என கேஷூவலாக தெரிவித்துள்ளார்.